Koldo Mitxelena gure artean () von Koldo Mitxelena

"Euskaltzaleen arteko jardun sarria da euskararen eta hizkuntzen arteko elkarbizitzaren estrategia eta estrategak falta zaizkigula esatea. Eta horretaz ari garenean, Koldo Mitxelenaren aipamena egiten da aldez edo moldez. Inolako gaurkotasunik galdu ez duen hizkuntza eta herri ikuskera baten jabe da Koldo Mitxelenaren pentsamendua -lehenaren lokarri, orainaren maisu, etorkizunerako bidaide-, eta bizitzen ari garen garai politiko honetan, inkomunikazioaren itzal luzeak elkarbizitza iluntzeko arriskua bizi dugunean, garrantzitsua iruditzen zait Mitxelenaren pentsamendua plazaratzea, eta ez, hain zuzen, liskarra hauspotzeko, elkarbizitzari buruzko eztabaidak behar-beharrezkoa duen zentzuzko ikuspuntu garrantzitsu bat -Koldo Mitxelenarena- ezagutarazteko: hain zuzen ere, oraindik euskal gizarteak eskain dezakeen zehatzen eta sakonena, ezbairik gabe eta ideologiak ideologia. Elkarbizitzak bultzatuta ikusten zuen hain garbi eta hain hil edo biziko euskara batuaren premia, eta, garaiko liskarren gaindi, denborak garbi erakutsi du batuak, hizkuntza bera modernizatzeaz gainera, batu egin gaituela euskaldunok. Euskara baturik gabe, ez gaurko euskara ez gaurko Euskal Herria ez ziren diren bezalakoak izango. Tamalez, herri honek kitatu gabe du zor hori Mitxelenarekin eta, bide batez eta tamalgarriagoa dena, baita bere buruarekin ere". Anjel Lertxundi

Koldo Mitxelena Elissalt (Errenteria, 1915 - Donostia, 1987), hizkuntzalari eta idazlea. Lanean ari zela egin zuen batxiler-goa. Gerra Zibilean gudari ibili zen, eta Santoñan hartu zuten preso. Hiltzera kon-denatua, zortzi urte egin zituen kartzelan eta han hasi zen Filosofia eta Letrak ikasten, hizkuntza klasikoak eta modernoak. 1954an Euskaltzain Oso izendatu zuten. Sorbona, Salamanca eta Euskal Herriko unibertsitateetan irakasle jardun zuen. Euskararen historiak ezinbesteko erreferentzia du bai ikerlari gisa, bai hizkuntza batasunaren eragile moduan ere. Doctor Honoris Causa Bordeleko eta Bartzelonako unibertsitateetan, Menéndez Pidal eta Ossian sariak jaso zituen.